O ano 2022 foi un período no que desde a Xunta de Galicia se traballou a favor da igualdade laboral entre homes e mulleres dunha maneira constante e reiterativa. Desenvolvéronse cursos formativos de diversa índole; axudas para as empresas para a creación de Plans de igualdade, medidas de conciliación e corresponsabilidade e na área da Responsabilidade Social Empresarial; campañas de divulgación con materiais de sensibilización e moitas outras accións, nun ano repleto de actividade para erradicar as desigualdades laborais entre mulleres e homes. 

As datas do Nadal, nas que nos atopamos, son unha época de recompilación e reflexión daqueles fitos máis importantes. Hoxe reflexionamos sobre as principais achegas á igualdade laboral do ano 2022 que se produciron desde o organismo público. 

2022 un ano de formación en igualdade laboral

Un firme compromiso da Xunta é apostar con determinación pola formación específica en materia de igualdade laboral. A continuación detallamos algúns dos fitos máis importantes: 

  1. Formación en liña a través do Campus de Igualdade Laboral. Se xa no 2021 máis de 3.000 persoas recibiron o seu certificado de aproveitamento vinculado á formación en igualdade laboral ofrecida de forma gratuíta, no 2022 esta cifra viuse fortalecida. Ao longo do ano ofertáronse ata 5.000 prazas en cursos gratuítos que trataron temas como a fenda salarial, os teitos de cristal ou o teletraballo. 
  2. Creación do primeiro curso especializado en igualdade de mulleres e homes nas relacións laborais.  Un curso de 150 horas de formación dirixido a estudantes e/ou graduados en áreas relacionadas co dereito ao traballo e aos recursos humanos e outros perfís relacionados coas organizacións empresariais e sindicais. O curso acabou en xuño de 2022, tras sete módulos de carácter teórico e dous prácticos que abordaron temáticas como a igualdade retributiva, plans de igualdade, prevención do acoso e medidas de protección social no traballo. 
12,00 h.- A conselleira de Promoción do Emprego e Igualdade, María Jesús Lorenzana, clausurará o curso Igualdade entre mulleres e homes nas Relacións Laborais. No Centro de Novas Tecnoloxías (rúa Airas Nunes, s/n).
foto xoán crespo

2022 un ano de divulgación en igualdade laboral

Outro dos piares fundamentais nos que se traballou durante o 2022 na área da igualdade laboral é na divulgación de contidos e materiais específicos. Entre outros se crearon: 

  1. A innovadora Guía para a implantación de plans de igualdade laboral nas empresas. A Guía contén 150 preguntas e respostas sobre a negociación dos plans de igualdade, a auditoría retributiva, o diagnóstico na empresa e o control administrativo e xudicial das medidas, entre outras cuestións. 
  2. Folletos de sensibilización para as empresas. Na área de recursos da web aigualdadelaboral.gal aloxáronse oito folletos específicos sobre temas como a conciliación e a corresponsabilidade ou a negociación colectiva. 
  3. Campaña de sensibilización sobre prevención de riscos laborais con perspectiva de xénero no sector da pesca. Esta campaña de información e sensibilización xestouse entre a Xunta e Fundamar para divulgar as conclusións do estudo integral sobre as necesidades preventivas nos buques pesqueiros.

2022 un ano de axudas e apoio á RSE

Durante o presente exercicio volveuse a apostar por poñer en marcha axudas entre pemes e autónomos para a elaboración e contratación de persoas asesoras para a implantación de plans de igualdade, fomento de medidas de conciliación como o teletraballo ou flexibilidade horaria e a promoción da RSE coa obtención de normas ou estándares.  Estas axudas tiveron un importe por valor de 1,4 millóns de euros e o prazo de solicitude estivo aberto ata o 4 de marzo de 2022. 

Así mesmo, a Xunta puxo a disposición este ano máis de 16 millóns de euros para apoios á conciliación. Estas axudas tamén serven para minimizar as dificultades das mulleres galegas para manterse ou reintegrarse no mercado laboral. 

Tamén se volveu a convocar o programa Responsabilízate polo cal máis de 110 pequenas e medianas empresas de Galicia están a traballar en profundar nos seus criterios de responsabilidade social, de bo goberno e ambiental. 

2022 un ano para a igualdade salarial

O 22 de febreiro celébrase o Día Europeo pola Igualdade Salarial entre Mujeres e Homes e a Xunta celebrou un evento para dar a coñecer o termo e poñer de manifesto as boas prácticas de varias empresas galegas (Coruñesa de etiquetas SL, Adegas Martín Codax SAU e Irmáns Toimil García SL). No evento participaron a conselleira de Promoción do Emprego e Igualdade, María Jesús Lorenzana, representantes sindicais, da universidade e de colectivos profesionais. Así mesmo, compartiuse o vídeo a través do campus formativo para todas as persoas interesadas. 

 Non debemos despedirnos deste resumo sen mencionar o apoio á igualdade laboral no colectivo da discapacidade e así o puxo de manifesto a conselleira, María Jesús Lorenzana, que en xuño demandaba ante a Unión Europea políticas concretas que garantisen a formación e a contratación das persoas con discapacidade e que integrasen perspectiva de xénero. 

Categorías

Actualidade blog igualdade laboral

Novas

Toda a actualidade e información de interese no ámbito da igualdade laboral.
Novidades en materia de igualdade laboral
29 Decembro 2022
Como cada mes, recapitulamos as novidades máis reseñables...
SEGUIR LENDO >
As achegas á igualdade laboral no ano 2022
22 Decembro 2022
O ano 2022 foi un período no que desde a Xunta de Galicia...
SEGUIR LENDO >
A Xunta avoga por unha ciencia en igualdade que cree máis oportunidades e aposte polo talento galego na entrega do premio Wonenburger 2022
20 Decembro 2022
O vicepresidente segundo e conselleiro de Presidencia,...
SEGUIR LENDO >
Lorenzana presenta o espazo de conciliación promovido no porto da Coruña pola Xunta de Galicia para axudar ás familias este Nadal
20 Decembro 2022
As instalacións, situadas no peirao do Parrote, abrirán...
SEGUIR LENDO >

Subscríbete ao noso boletín

E recibe todas as nosas novidades no teu correo electrónico.