Formación
A Consellería de Promoción do Emprego e Igualdade da Xunta de Galicia ve fundamental asumir o compromiso de poñer en marcha este campus en liña coa finalidade de que toda persoa interesada en formarse en igualdade laboral poida facelo a través da participación en diferentes xornadas e cursos formativos nesta materia.
Asumindo por tanto un papel fundamental de facilitadores de acceso ao coñecemento tanto para homes como mulleres, de formación en igualdade laboral e de boas prácticas neste ámbito, que fomenten a igualdade de xénero e a non discriminación por razón de sexo, e así avanzar entre todos cara unha maior igualdade real e efectiva.
Obxectivos do campus en liña
SENSIBILIZAR
Acercar á sociedade á igualdade laboral a través de conceptos e teorías, co fin de fomentar a reflexión e un cambio de actitudes e valores que promovan o fin das desigualdades laborais entre mulleres e homes.
INTEGRAR
Incorporar a igualdade laboral en todos os ámbitos da sociedade, facilitando a profesionais de diferentes ámbitos unha formación para incorporar a diversidade e a non discriminación na súa práctica profesional; de tal xeito que se impulse un tecido empresarial máis responsable e un emprego de calidade.
FACILITAR
Ofrecer o material preciso para que as persoas participantes poidan desenvolver os coñecementos necesarios sobre a materia de maneira non presencial, optimizando a educación, en canto a tempo e organización, e poidan obter coñecementos básicos que lles permitan aplicar o principio de igualdade no seu exercicio profesional.
Cursos formativos
2º Edición: Curso teórico-práctico para a protección integral fronte ao acoso no traballo (15 h)
Todo o que debes coñecer sobre a protección fronte ao
1º Edición: Curso teórico-práctico para a protección integral fronte ao acoso no traballo (15 h)
Todo o que debes coñecer sobre a protección fronte ao
12º Edición: Curso básico en igualdade laboral (8 h)
Este curso facilita ao tecido empresarial a incorporación da igualdade laboral, acercando os coñecementos necesarios sobre a negociación dos plans de igualdade, diagnose, igualdade retributiva, medidas para fomentar a igualdade laboral e os protocolos para loitar contra o acoso sexual e por razón de sexo.
6º Edición: Curso avanzado en igualdade laboral (35 h)
Tratase dunha ampliación do contido do curso básico de igualdade laboral de 8h de duración no que se afondará sobre as temáticas desenvoltas no mesmo.
Talleres formativos
