Para que serven. Vantaxes e beneficios
Independentemente do cumprimento da obrigatoriedade legal de implantar un Plan de Igualdade, acometer medidas de igualdade efectiva no ámbito laboral constitúe unha responsabilidade empresarial necesaria para avanzar de forma progresiva na consecución da igualdade de oportunidades no ámbito empresarial.
Crear unha nova cultura empresarial entre as empresas
Mellorar a súa imaxe externa
Eliminar as desigualdades entre traballadores e traballadoras
Conseguir o equilibrio de sexos nas estruturas de persoal
O que favorece unha fidelización do persoal máis idóneo.
Previr o acoso sexual e por razón de sexo na organización
Garantir as mesmas oportunidades de formación e promoción empresarial na empresa
Asegurar que a selección de persoal se realiza sen distincións de xénero
Procurar a igualdade retributiva entre as persoas que desenvolvan os mesmos traballos
Favorecer a conciliación laboral, persoal e familiar desde a corresponsabilidade
E estas medidas, achegan ás empresas que teñan implantado un Plan de Igualdade as seguintes vantaxes e beneficios:
Mellora a produtividade:
A revisión da organización da empresa permite establecer melloras nas quendas de traballo, os tipos de contrato, os salarios, etc. incrementando a eficacia da organización e a súa produtividade.
Fideliza, atrae e retén o talento:
A optimización da xestión do talento na empresa favorece o desenvolvemento da creatividade e a innovación, favorecendo a motivación do persoal e, á vez, fortalecendo a reputación empresarial.
Mellora a imaxe EXTERNA:
A implantación dun plan de igualdade axuda a transmitir o compromiso real da empresa coa responsabilidade social, o que se traduce nun recoñecemento por parte do mercado.
Fomenta a diversidade no lugar de traballo:
Incrementa a diversidade de perspectivas, axuda a desenvolver a creatividade, aumenta a motivación e a produtividade.
Mellora a imaxe INTERNA:
Mellora a comunicación co persoal, que se sinte máis integrado e partícipe da empresa, o cal fortalece a reputación da empresa.
Racionaliza os horarios:
A mellora na xestión do persoal contribúe a un uso dos tempos máis racional e a unha xestión das persoas moderna e máis eficiente.
Reduce o absentismo laboral:
A mellora na xestión do persoal, establecendo medidas para a conciliación, a flexibilidade laboral, etc. reduce o estrés e diminúe as baixas laborais.
Mellora a xestión da empresa:
Establece a prevención para detectar situacións de discriminación, adoptar a tempo as medidas correctoras e actuar de forma eficiente para evitar a conflitividade laboral.
Mellora o clima laboral:
Aplicar medidas igualitarias axuda a xerar un clima de confianza e mellora a motivación das persoas no entorno laboral, o seu rendemento e calidade do traballo; xa que se reduce a conflitividade.
Vantaxes competitivas na relación coa Administración pública:
Achega unha maior baremación de puntos para as empresas que teñan implantado un plan de igualdade á hora de establecer contratos coa administración pública ou para a obtención de axudas e subvencións.
