Facendo realidade a igualdade de oportunidades no mercado laboral
A Dirección Xeral de Relacións Laborais da Consellería de Promoción do Emprego e Igualdade
Impulsa este espazo dixital de formación dirixido a fomentar, formar e sensibilizar á sociedade na igualdade laboral efectiva entre homes e mulleres a través de accións formativas gratuítas enmarcadas en diferentes ámbitos como son a conciliación e a corresponsabilidade, o rexistro retributivo, o acoso laboral, o teletraballo, entre moitas outras.
- Plan de igualdade
- Comisións negociadoras de igualdade
- Igualdade retributiva
- Igualdade social
- Igualdade de trato e oportunidades nas empresas
- Fenda salarial
- Responsabilidade Social Empresarial
- Conciliación
- Corresponsabilidade
- Prevención de riscos laborais
- Igualdade de trato e acoso sexual, acoso psicolóxico e violencia de xénero no lugar de traballo nas empresas
Obxectivos do campus en liña
SENSIBILIZAR
Acercar á sociedade á igualdade laboral a través de conceptos e teorías, co fin de fomentar a reflexión e un cambio de actitudes e valores que promovan o fin das desigualdades laborais entre mulleres e homes.
INTEGRAR
Incorporar a igualdade laboral en todos os ámbitos da sociedade, facilitando a profesionais de diferentes ámbitos unha formación para incorporar a diversidade e a non discriminación na súa práctica profesional; de tal xeito que se impulse un tecido empresarial máis responsable e un emprego de calidade.
FACILITAR
Ofrecer o material preciso para que as persoas participantes poidan desenvolver os coñecementos necesarios sobre a materia de maneira non presencial, optimizando a educación, en canto a tempo e organización, e poidan obter coñecementos básicos que lles permitan aplicar o principio de igualdade no seu exercicio profesional.
Formación gratuíta en igualdade laboral
Cursos en liña
9º Edición: Curso básico en igualdade laboral (8 h)
Este curso facilita ao tecido empresarial a incorporación da igualdade laboral, acercando os coñecementos necesarios sobre a negociación dos plans de igualdade, diagnose, igualdade retributiva, medidas para fomentar a igualdade laboral e os protocolos para loitar contra o acoso sexual e por razón de sexo.
10º Edición: Curso teórico-práctico sobre a prevención e tratamento do acoso sexual e por razón de sexo no traballo (10 h)
Este curso facilita ás persoas participantes conceptos de acoso sexual e por razón de sexo, así como as políticas de prevención e tratamento no ámbito do traballo.
1º Edición: Curso teórico-práctico para a protección integral da liberdade sexual e da integridade moral no traballo (5 h)
Este curso permitirá ás persoas participantes afondar sobre a protección integral da liberdade sexual e da integridade moral no traballo.
Talleres formativos en liña
Axenda de talleres
