Como fomento de accións destinadas á mellora do benestar laboral das persoas traballadoras, a Consellería de Promoción do Emprego e Igualdade, a través da Dirección Xeral de Relacións Laborais, impulsou a realización de dous estudos destinados a coñecer a realidade do tecido empresarial de Galicia no que respecta á ordenación do tempo de traballo, en concreto:
- Un estudo sobre a organización do tempo de traballo nas empresas galegas.
- Unha enquisa á poboación asalariada de Galicia sobre a organización do tempo de traballo.
A partir dos resultados de ambos estudos, o informe sobre recomendacións ás empresas galegas para a mellora do benestar laboral nos distintos sectores ten por obxecto:
- Ofrecer un análise comparativa dos principais resultados dos sondaxes realizados.
- Formular recomendacións ás empresas galegas segundo os distintos sectores, a partir das evidencias extraídas de ambas enquisas, co fin de mellorar o benestar das persoas traballadoras sen mingua do crecemento empresarial.