• A directora xeral de Relacións Laborais, Elena Mancha, reuniuse hoxe co director territorial da Inspección de Traballo e Seguridade Social en Galicia, Demetrio Fernández

  • Entre xaneiro e marzo este órgano realizou un total de 7.695 actuacións o que a xuízo de Mancha responde á fase actual do contexto pandémico

  • Desde o inicio da guerra o 24 de febreiro a Xunta recibiu 72 solicitudes de ERTE na provincia de Pontevedra, case a metade do total das rexistradas en Galicia

A directora xeral de Relacións Laborais, Elena Mancha, mantivo hoxe un encontro en Vigo co director territorial da Inspección de Traballo e Seguridade Social (ITSS) de Galicia, Demetrio Fernández, onde puxo en valor a actividade inspectora en Galicia no primeiro trimestre deste ano, no que experimentou un crecemento do 25%; e cuantificou en 156 as solicitudes recibidas pola Xunta de Expedientes de Regulación Temporal de Emprego (ERTE) desde que se iniciou a guerra de Ucraína, o 24 de febreiro.

Elena Mancha destacou o traballo que exerce a inspección laboral na comunidade, que se viu incrementado entre xaneiro e marzo de 2022, período no que se realizaron 7.695 actuacións. En paralelo tamén aumentaron os requirimentos de corrección emitidos por esta entidade, cuxo incremento acadou o 22% nas catro provincias.

A representante da Consellería de Emprego e Igualdade especificou que estas cifras responden ao “incremento de visitas debido á recuperación da normalidade sanitaria e a comparativa da situación de empresas en ERTE entre os primeiros trimestres do ano 21 e o do ano 22 con una redución moi significativa”. O resto das actuacións en materia de seguridade social e estranxeiría tamén se incrementou, aseverou.

Mancha expuxo, por outra banda, que a provincia de Pontevedra está a acaparar a metade das solicitudes de ERTE que a Consellería de Emprego e Igualdade, como autoridade laboral, está a recibir desde que se iniciara o conflito.

Tal e como relatou a directora xeral, o 90% das 72 solicitudes recibidas da provincia de Pontevedra corresponden con expedientes ETOP (motivados por causas económicas, técnicas organizativas e produtivas). Por sectores, o 30% proceden da industria. “Máis da metade das solicitudes dos ERTEs do sector industrial de toda Galicia corresponden á provincia de Pontevedra, o que pon de manifesto o peso desta actividade no conxunto”, especificou.

Plan de choque

O Plan de choque contra a fraude na contratación, levado a cabo en Galicia no ano 2021, permitiu, pola súa banda, a transformación de 8.081 contratos temporais en indefinidos, dos cales 3.078 corresponderon á provincia de Pontevedra.

A Xunta está a reforzar as súas actuacións na área de igualdade laboral que, tal e como adiantou Elena Mancha, se incrementarán en 2022 nun 40%, principalmente focalizadas no control de plans de igualdade, na loita contra a discriminación por razón de xénero e do acoso sexual.

No encontro entregouse á Inspección unha Guía de acoso Sexual e por razón de sexo e a publicación de Plans de igualdade Preguntas e respostas, ambas as dúas elaboradas pola a Xunta de Galicia cunha versión electrónica a disposición da cidadanía a través da páxina web: http://www.agualdadelaboral.gal

Esta reunión, na que tamén tomaron parte a xefa territorial da Consellería de Emprego e Igualdade, Marta Mariño; o xefe da ITSS de Pontevedra José Maria Casas de Ron; e as dúas xefas de unidade da Inspección provincial; enmárcase na serie de contactos que a Dirección Xeral de Relacións Laborais está a desenvolver coas catro inspeccións laborais de traballo co obxectivo de “intensificar a comunicación entre a representación da Consellería na provincia e a Inspección provincial, e desta maneira coordinar os asuntos comúns e estreitar aínda máis o xa habitual e continuo trato entre ambas as administracións”, indicou Elena Mancha.

Categorías

Actualidade

Novas

Toda a actualidade e información de interese no ámbito da igualdade laboral.
Novidades en materia de igualdade laboral
29 Decembro 2022
Como cada mes, recapitulamos as novidades máis reseñables...
SEGUIR LENDO >
As achegas á igualdade laboral no ano 2022
22 Decembro 2022
O ano 2022 foi un período no que desde a Xunta de Galicia...
SEGUIR LENDO >
A Xunta avoga por unha ciencia en igualdade que cree máis oportunidades e aposte polo talento galego na entrega do premio Wonenburger 2022
20 Decembro 2022
O vicepresidente segundo e conselleiro de Presidencia,...
SEGUIR LENDO >
Lorenzana presenta o espazo de conciliación promovido no porto da Coruña pola Xunta de Galicia para axudar ás familias este Nadal
20 Decembro 2022
As instalacións, situadas no peirao do Parrote, abrirán...
SEGUIR LENDO >

Subscríbete ao noso boletín

E recibe todas as nosas novidades no teu correo electrónico.