A Consellería de Promoción do Emprego e Igualdade formou no que vai de ano máis de 1.600 persoas en materia de igualdade laboral, a través dos cursos e webinarios que oferta a través do campus virtual estreado o pasado 2021.

Un total de 487 persoas recibiron, no que vai de ano, os seus certificados de aproveitamento tras participar en cursos de 10 horas de prevención e tratamento do acoso sexual e por razón de sexo no traballo e de coñecementos básicos en igualdade laboral (6 horas).

En 2022 a Xunta tamén ofertou 6 webinarios, nos que tomaron parte 1.184 persoas, sobre o principio de igualdade, a igualdade de oportunidades e a prohibición da discriminación, ou a aplicación da perspectiva de xénero na realización do informe de diagnóstico (no marco da elaboración dos plans de igualdade), nos procesos de selección, na clasificación profesional e na formación laboral.

A todas estas actividades cómpre engadir as xornadas que con asiduidade promove a Consellería de Promoción do Emprego e Igualdade a través das entidades empresariais e sectoriais. Este ano celebráronse 6 en colaboración coa Asociación de Empresarios de Ferrolterra, a Asociación de centros especiais de emprego sen ánimo de lucro (Cegasal), a Asociación de industrias do metal e tecnoloxías asociadas de (Asime), a asociación de xóvenes empresarios (AJE), a Confederación de Empresarios de Ourense (CEO), a Asociación Intersectorial e Interterritorial de Autónomos e Pequenas Empresas de Galicia (APE Galicia). Un total de 200 empresas participaron nestas iniciativas.

Novo curso

Para o que resta de ano, a Xunta ten programados tres novos cursos de igualdade laboral, que suman unha oferta de 550 prazas, e catro obradoiros temáticos sobre a promoción profesional e o teito de cristal; o exercicio corresponsable dos dereitos á vida persoal, familiar e laboral; a infrarrepresentación feminina, o concepto de sector masculinizado e feminizado; e as condicións de traballo e a súa influencia nas desigualdades de xénero na empresa.

Nas próximas datas publicarase a nova programación e os formularios de inscrición para as persoas interesadas a través da dirección web do campus virtual de igualdade laboral https://igualdade-laboral.gal/.

Desde que esta plataforma iniciara a súa andaina en 2021, máis de 2.700 persoas asistiron as diferentes accións formativas coas que a Xunta quere avanzar cara a un mercado laboral máis equitativo e referente en materia de respecto á diversidade e á igualdade de oportunidades.

Categorías

Actualidade campus online Formación igualdade laboral

Novas

Toda a actualidade e información de interese no ámbito da igualdade laboral.
Novidades en materia de igualdade laboral
29 Decembro 2022
Como cada mes, recapitulamos as novidades máis reseñables...
SEGUIR LENDO >
As achegas á igualdade laboral no ano 2022
22 Decembro 2022
O ano 2022 foi un período no que desde a Xunta de Galicia...
SEGUIR LENDO >
A Xunta avoga por unha ciencia en igualdade que cree máis oportunidades e aposte polo talento galego na entrega do premio Wonenburger 2022
20 Decembro 2022
O vicepresidente segundo e conselleiro de Presidencia,...
SEGUIR LENDO >
Lorenzana presenta o espazo de conciliación promovido no porto da Coruña pola Xunta de Galicia para axudar ás familias este Nadal
20 Decembro 2022
As instalacións, situadas no peirao do Parrote, abrirán...
SEGUIR LENDO >

Subscríbete ao noso boletín

E recibe todas as nosas novidades no teu correo electrónico.