• A directora xeral de Relacións Laborais, Elena Mancha, presentou hoxe por videoconferencia a xornada formativa Adaptación ao cambio: afrontamento ante a adversidade do Instituto de Seguridade e Saúde Laboral de Galicia (ISSGA)

  • No webinario participaron responsables de prevención, xestores de equipos e, en xeral, persoas interesadas en mellorar a saúde emocional

A directora xeral de Relacións Laborais, Elena Mancha, abriu hoxe o webinario Adaptación ao cambio: afrontamento ante a adversidade, unha nova xornada formativa do Instituto de Seguridade e Saúde Laboral de Galicia (Issga) coa que colaborou Fremap para dar a coñecer diferentes estratexias e reflexionar sobre a importancia de afrontar eficazmente a adversidade e, deste xeito, facer fronte ao estrés e previr os riscos psicosociais.

Mancha destacou que é preciso facer fincapé na prevención dos riscos psicosociais no traballo para crear espazos laborais saudables e sinalou que existen estratexias clave para previlos como é o fomento de actitudes favorables ao cambio e a promoción de competencias transversais para mellorar os intercambios sociais. “A actitude ante o cambio parece ser unha das principais competencias fronte ás situacións de estrés”, engadiu.

Entre os consellos que se destacaron na xornada formativa do Instituto para facer fronte a adversidades no traballo resaltan o establecemento de relacións cos demais; pensamentos realistas e construtivos; a confianza nun mesmo; o desenvolvemento de metas e obxectivos; e a busca de oportunidades. “O fomento destas competencias no traballo permitirá crear contornas laborais satisfactorias e saudables, o que contribuirá ao incremento da competitividade”, concluíu.

No webinario participaron responsables de prevención, xestores de equipos e, en xeral, persoas interesadas en mellorar a saúde emocional.

Categorías

Sin categoría

Novas

Toda a actualidade e información de interese no ámbito da igualdade laboral.
Día Internacional do Orgullo LGTBI
23 Xuño 2022
Nuns días, o 28 de xuño, celébrase ao longo do todo...
SEGUIR LENDO >
Galicia demanda ante a UE políticas concretas que garantan a formación e a contratación das persoas con discapacidade e que integren a perspectiva de xénero
16 Xuño 2022
A conselleira de Promoción do Emprego e Igualdade,...
SEGUIR LENDO >
A Xunta sinala que unha xestión eficaz dos riscos psicosociais nas empresas contribúe a crear contornas de traballo saudables e mellorar o benestar laboral
16 Xuño 2022
A Xunta sinala que unha xestión eficaz dos riscos psicosociais...
SEGUIR LENDO >
A Xunta defende o benestar das persoas traballadoras ante os novos riscos laborais derivados dos procesos de dixitalización que enfrontan as empresas
09 Xuño 2022
A directora xeral de Relacións Laborais, Elena Mancha,...
SEGUIR LENDO >

Subscríbete ao noso boletín

E recibe todas as nosas novidades no teu correo electrónico.