• A directora xeral de Relacións Laborais, Elena Mancha, participou hoxe na inauguración do webinario Os contratos temporais: por circunstancias da produción, por substitución de persoas traballadoras con dereito a reserva de posto e o contrato de fixo discontinuo

A directora xeral de Relacións Laborais, Elena Mancha, participou hoxe na inauguración do webinario informativo e técnico Os contratos temporais: por circunstancias da produción, por substitución de persoas traballadoras con dereito a reserva de posto e o contrato de fixo discontinuo, organizada polo Consello Galego de Relacións Laborais (CGRRLL), a Facultade de Ciencias do Traballo da Universidade da Coruña e o Colexio de Graduados Sociais da Coruña e Ourense.

A iniciativa, na que participaron preto de 100 persoas,  tivo como obxectivo informar sobre a nova reforma laboral e, en concreto, sobre a regulación referida á contratación temporal. Mancha destacou a importancia de organizar este tipo de xornadas para difundir os novos aspectos da normativa laboral co propósito de que empresas, traballadores e persoal xurídico, entre outros, poidan aplicar “con claridade e seguridade” as novas normas.

A xornada tivo entre as súas relatoras a Raquel Aguilera, profesora titular de Dereito do Traballo e da Seguridade Social da Universidade Complutense; a Lucía Dans, profesora axudante e doutora de Dereito do Traballo e da Seguridade Social da Universidade da Laguna; Isabel Olmos, maxistrada do Tribunal Superior de Xustiza de Galicia (TSXG); e Teresa Díaz, inspectora de Traballo e Seguridade Social da Coruña, así como representantes da patronal e sindicatos.

As diferentes mesas redondas estiveron coordinadas por Susana Soneira, presidenta do Colexio de Graduados Sociais da Coruña e Ourense; Asunción López, profesora de Dereito do Traballo e da Seguridade Social da Facultade de Ciencias do Traballo da Coruña; e pola secretaria do Consello Galego de Relacións Laborais, Cristina Fabeiro.

Categorías

Actualidade

Novas

Toda a actualidade e información de interese no ámbito da igualdade laboral.
Como realizar unha auditoría retributiva
06 Outubro 2022
Desde a publicación, hai case dous anos, do Real Decreto...
SEGUIR LENDO >
A Xunta distinguirá o traballo das empresas en materia de responsabilidade social e conciliación
05 Outubro 2022
A Consellería de Promoción do Emprego e Igualdade,...
SEGUIR LENDO >
A Xunta promove a perspectiva de xénero na seguridade a bordo dos buques nunha visita á escola marítimo-pesqueira de Ribeira
04 Outubro 2022
A directora xeral de Relacións Laborais, Elena Mancha,...
SEGUIR LENDO >
Máis de 110 pemes participan no programa ‘Responsabilízate’ da Xunta para incorporar a responsabilidade social e ambiental aos seus negocios
03 Outubro 2022
Santiago de Compostela, 3 de outubro de 2022  A directora...
SEGUIR LENDO >

Subscríbete ao noso boletín

E recibe todas as nosas novidades no teu correo electrónico.