• A iniciativa, que desenvolve a Fundación Santa María la Real, co apoio da Consellería de Emprego e Igualdade, ten como obxectivo incrementar as oportunidades laborais das mulleres en paro tras dedicarse á maternidade ou ao coidado de familiares

  • Lugo acollerá dous sesións desta iniciativa con 20 prazas cada unha: a primeira desenvolverase de marzo a xuño e a segunda de setembro a decembro

  • Ao longo de tres meses as participantes contarán co apoio e asesoramento de especialistas para mellorar a súa prospección laboral

O prazo para inscribirse no programa Entrena Lugo, dirixido a mellorar as oportunidades laborais das mulleres en paro de longa duración (máis de un ano en situación de desemprego), continúa aberto ata o próximo 11 de marzo. A iniciativa, que desenvolve a Fundación Santa María la Real, co apoio da Consellería de Emprego e Igualdade, e co cofinanciamento do Fondo Social Europeo, no marco do Programa Operativo de Inclusión Social e Economía Social, no seu eixo prioritario 6, é gratuíto e terá lugar na cidade lucense en dúas quendas: de marzo a xuño e de setembro a decembro.
O proxecto iniciará, deste xeito, a súa segunda fase tras unha primeira parte que estivo centrada na investigación social sobre os efectos do desemprego de longa duración nas mulleres que se dedicaron á maternidade ou ao coidado de persoas familiares.
A iniciativa, que se levará a cabo tamén en Canarias, Castela-A Mancha, Madrid, Estremadura e País Vasco, inclúe un total de doce proxectos pilotos, dous en Lugo.
Ao longo dos meses que se realiza o proxecto, as mulleres participantes contarán co acompañamento e asesoramento de especialistas da Fundación Santa María la Real para impulsar un plan integral de busca de emprego no mercado de traballo actual. As alumnas asistirán tres días á semana a reunións presenciais e/ou virtuais, en horario de 9.30 horas a 13.30 horas, nas que desenvolverán actividades de orientación laboral. O obxectivo é reactivar a súa estratexia de busca de emprego, reforzar as súas competencias transversais e habilidades dixitais, mellorar o seu posicionamento e impulsar, deste xeito, a inserción no mercado de traballo.
A primeira quenda, de marzo a xuño, contará con 20 prazas para mulleres de entre 18 e 60 anos. As interesadas poden aínda cursar a súa inscrición a través do formulario habilitado na web https://www.entrenaempleo.org/es/inscribete. Terán prioridade determinados colectivos con necesidades especiais como é o caso das mulleres con familiares ascendentes ao seu cargo e coidado.

Categorías

Actualidade Emprego Igualdade igualdade laboral

Novas

Toda a actualidade e información de interese no ámbito da igualdade laboral.
Novidades en materia de igualdade laboral
29 Decembro 2022
Como cada mes, recapitulamos as novidades máis reseñables...
SEGUIR LENDO >
As achegas á igualdade laboral no ano 2022
22 Decembro 2022
O ano 2022 foi un período no que desde a Xunta de Galicia...
SEGUIR LENDO >
A Xunta avoga por unha ciencia en igualdade que cree máis oportunidades e aposte polo talento galego na entrega do premio Wonenburger 2022
20 Decembro 2022
O vicepresidente segundo e conselleiro de Presidencia,...
SEGUIR LENDO >
Lorenzana presenta o espazo de conciliación promovido no porto da Coruña pola Xunta de Galicia para axudar ás familias este Nadal
20 Decembro 2022
As instalacións, situadas no peirao do Parrote, abrirán...
SEGUIR LENDO >

Subscríbete ao noso boletín

E recibe todas as nosas novidades no teu correo electrónico.