• A directora xeral de Relacións Laborais, Elena Mancha, participou hoxe por videoconferencia nunha reunión da comisión de igualdade laboral que integran a Confederación de Empresarios de Ourense (CEO) e compañías ourensás

  • A Xunta incrementou este ano nun 30,6% o programa de axudas destinado a promover entre os autónomos e as pequenas e medianas empresas (pemes) a igualdade laboral, a conciliación da vida laboral, familiar e persoal e a Responsabilidade Social Empresarial (RSE)

  • Mancha puxo en valor o novo espazo dixital de teleformación en igualdade laboral que ten posto en marcha a Xunta con cursos sobre conciliación, teletraballo ou prevención do acoso, entre outros

A directora xeral de Relacións Laborais, Elena Mancha, destacou hoxe a importancia da igualdade no traballo, xa que sinalou que non só aumenta a competitividade das empresas e retén o talento, senón que tamén mellora o clima laboral e reduce o absentismo. Mancha participou nunha reunión da recente creada comisión pola igualdade laboral que integran a Confederación de Empresarios de Ourense (CEO) e compañías da provincia ourensá, onde avogou por seguir aunando esforzos entre todos os axentes implicados nesta materia e as administracións para conseguir unha verdadeira igualdade laboral.

Para acadar a igualdade no traballo, a directora xeral de Relacións Laborais expuxo os recursos dos que dispón a Administración autonómica galega para impulsar, entre outros, a conciliación e a corresponsabilidade. Neste senso, apuntou que o teletraballo é unha modalidade laboral que está a ter “unha importante influencia” na conciliación. Tamén referiuse á importancia dos plans de igualdade nas compañías como medida para a mellora da corresponsabilidade.

A Xunta promove entre os autónomos e as pequenas e medianas empresas (pemes) a igualdade laboral, a conciliación da vida laboral, familiar e persoal e a Responsabilidade Social Empresarial (RSE) con axudas que incrementou este ano nun 30,6%, polo que o orzamento sumou máis de 2,6 millóns de euros.

O Goberno galego apoia con este programa a conciliación da vida laboral, familiar e persoal con incentivos para o fomento do teletraballo e para a adquisición de elementos tecnolóxicos que posibiliten a implantación efectiva do traballo a distancia, coa finalidade tamén de promover o uso das tecnoloxías da información e comunicación (TIC).

O programa, ademais de apoios para o teletraballo, inclúe axudas para impulsar a flexibilidade horaria nos centros de traballo, apoios para a elaboración de diagnoses en materia de igualdade e de plans de igualdade e a implantación das súas primeiras accións, así como a contratación dunha persoa experta para asesorar á empresa en todo este proceso. Así mesmo, este programa de Emprego e Igualdade tamén facilita ás empresas e autónomos a obtención de normas ou estándares en Responsabilidade Social Empresarial (RSE). É preciso lembrar que Galicia é pioneira a nivel nacional na aposta pola RSE para acadar un verdadeiro emprego estable e de calidade. En 2012 foi unha das primeiras comunidades en poñer en marcha un plan específico.

Teleformación en igualdade

Mancha, para rematar, referiuse á plataforma en liña que xa ten en marcha a Consellería de Emprego e Igualdade con accións formativas para fomentar, formar e sensibilizar á sociedade en materia de igualdade laboral efectiva entre homes e mulleres. Este espazo, cuxa oferta formativa estase a difundir por medio da dirección web https://igualdade-laboral.gal/, propón cursos de carácter gratuíto sobre temas relacionados coa conciliación e a corresponsabilidade, o rexistro retributivo, o acoso laboral ou o teletraballo, entre outras temáticas.

O próximo 20 de outubro comezará un curso teórico-práctico sobre a prevención e tratamento do acoso sexual e por razón de sexo no traballo, e un curso básico en igualdade laboral.

Categorías

Actualidade Conciliación Igualdade

Novas

Toda a actualidade e información de interese no ámbito da igualdade laboral.
Novidades en materia de igualdade laboral
29 Decembro 2022
Como cada mes, recapitulamos as novidades máis reseñables...
SEGUIR LENDO >
As achegas á igualdade laboral no ano 2022
22 Decembro 2022
O ano 2022 foi un período no que desde a Xunta de Galicia...
SEGUIR LENDO >
A Xunta avoga por unha ciencia en igualdade que cree máis oportunidades e aposte polo talento galego na entrega do premio Wonenburger 2022
20 Decembro 2022
O vicepresidente segundo e conselleiro de Presidencia,...
SEGUIR LENDO >
Lorenzana presenta o espazo de conciliación promovido no porto da Coruña pola Xunta de Galicia para axudar ás familias este Nadal
20 Decembro 2022
As instalacións, situadas no peirao do Parrote, abrirán...
SEGUIR LENDO >

Subscríbete ao noso boletín

E recibe todas as nosas novidades no teu correo electrónico.