Formación en liña de 35 horas en materia de Igualdade Laboral a través da cal se pretende facilitar ao tecido empresarial a incorporación da igualdade laboral, afondado nos coñecementos necesarios en todos os aspectos que conleva a elaboración dun plan de igualdade. Tratase dunha ampliación do contido do curso básico de igualdade laboral de 8 horas de duración no que se profundará sobre as temáticas desenvoltas no mesmo.
Docentes
- Ana Isabel Pérez Simal, Delegada de CCOO de Galicia
- Auxiliadora Zapata Navarro, Directora Club Empresas en Fundación Woman Forward
- Emma Rodríguez Rodríguez, Profesora de Dereito do traballo e da Seguridade Social da Universidade de Vigo
- Esther Mariño Costales, Técnica de Igualdade na CIG
- Jaime Cabeza Pereiro, Profesor catedrático do Dereito do traballo e da Seguridade Social da Universidade de Vigo
- Jose Fernando Lousada Arochena, Maxistrado no Tribunal Superior de Xusticia de Galicia
- Lucia Rial Pampin, Formadora e asesora en materia de Igualdade e RRHH
- Maria Ángeles García Pérez, Consultora especializada en materia de igualdade laboral
- Maria Del Carmen Sixto Vilas, Xefa de servizo de Relacións Laborais e Seguridade e Saúde Laboral da Consellería de Promoción do Emprego e Igualdade. Xunta de Galicia
- Maria Ángeles García Pérez, Consultora especializada en materia de igualdade laboral
- Miryam Garabito Cociña, Xefa de sección de Hixiene Industrial e Técnicas Analíticas. Centro ISSGA Lugo. Xunta de Galicia
- Mónica González Otero, Inspectora de traballo e seguridade social
- Sandra Garcia Lombardia, Inspectora de traballo e seguridade social
- Teresa Pedrosa Silva, Inspectora de traballo e seguridade social
Estrutura e desenvolvemento
O curso estará composto por unha parte teórica que consta de 7 módulos impartidos de forma pre-gravada e 3 clases prácticas en liña. O curso combinará actividades síncronas e asíncronas, permitindo que as persoas participantes poidan aprender ao seu propio ritmo e horario sobre os seguintes contidos:
- A aproximación á normativa en materia de igualdade nas relacións laborais e problemática actual
- Negociación e elaboración dos plans de igualdade
- A PRL con enfoque de xénero
- A igualdade retributiva. Rexistro e auditoría retributiva
- Medidas para fomentar a igualdade laboral
- Protocolos para loitar contra o acoso sexual e por razón de sexo
- O rexistro dos plans de igualdade
Este curso avanzado levarase a cabo entre o 5 de outubro e o 5 de decembro de 2022. Para acceder a esta formación, é requisito imprescindible ter superado o curso básico de igualdade laboral de 8 horas e realizar a inscrición antes do 30 de setembro de 2022, a través do campus formativo.
