• A Xunta mantén abertas as inscricións do programa Responsabilízate para que as pemes galegas transiten hacia valores ambientais, sociais e de gobernanza

  • A directora xeral de Relacións Laborais, Elena Mancha, presentou o programa a través dun webinario no que avogou pola integración de criterios sostibles nas actividades

A directora xeral de Relacións Laborais, Elena Mancha, inaugurou hoxe o webinario, no que tomaron parte máis de 120 persoas, para a presentación do programa Responsabilízate, que promove o seu departamento para axudar a unhas 180 empresas galegas a ser máis sostibles e impulsar a súa competitividade.

O programa asesorará de xeito gratuíto ás firmas participantes en materia de responsabilidade social empresarial (RSE) co obxectivo de apoiar ás pemes a incorporar criterios sostibles na súa xestión a través da aplicación de valores ambientais, sociais e de gobernanza, entre outros. A actuación, ademais, inclúe o acompañamento na aplicación de medidas que fomenten a igualdade de oportunidades.

“Anímovos a participar, para que as vosas organizacións poidan converterse en pouco tempo en empresas socialmente responsables, e con isto mais competitivas e sustentables, poñendo o seu gran de area para facer o tecido produtivo galego máis forte, resiliente e preparado para os retos que a economía actual está xa anunciando”, destacou a directora xeral del Relacións Laborais.

Tal e como relatou Mancha, a aplicación de criterios de RSE ten para a empresa reporta beneficios que incrementan a súa capacidade innovadora, a eficiencia de procedementos e baixa dos custos, unha maior xestión de crises ou a fidelidade tanto do persoal como da clientela, entre outros. Cara ao exterior, contribúese a mellorar a reputación das firmas, así como a abrir novas oportunidades de negocio, reducir riscos e mellorar as relacións coas comunidades locais.

“Con este programa queremos reforzar a competitividade das pemes nun contexto de transformación no que prácticas como a xestión responsable das persoas, o desenvolvemento de condutas éticas nas cadeas de subministración, ou a adaptación a unha economía baixa en carbono son claves para o posicionamento empresarial”, afirmou a directora xeral.

A Xunta aspira con esta iniciativa tamén a reter talento e anticiparse ás esixencias europeas en materia de igualdade laboral, transparencia, dereitos humanos ou loita contra o cambio climático desde o mundo da empresa.

Responsabilízate vai dirixido ao tecido empresarial galego, a través das súas pequenas e medianas empresas que non superen os 50 millóns de euros de volume de negocio anual ou teñan un balance anual inferior a 43 millóns de euros.

Con esta iniciativa, se persegue que as empresas sexan máis competitivas, facilitando a súa adaptación ás esixencias dos grandes clientes, do mercado de consumo e das novas obrigas sociais e administrativas. Para iso, o programa incorpora un diagnóstico individualizado, actividades formativas e de asesoramento personalizado por parte de asesores expertos, e o desenvolvemento dunha folla de ruta para cuxa implementación contará co apoio dun equipo de consultores.

As inscricións ao programa Responsabilízate poderanse facer a través da sede electrónica da Xunta, onde o prazo permanecerá aberto ata completar as 180 prazas previstas. As empresas interesados poden ampliar a información a través da oficina técnica do programa no correo electrónico responsabilizate.emprego.igualdade@xunta.gal.

Categorías

Actualidade axudas

Novas

Toda a actualidade e información de interese no ámbito da igualdade laboral.
Novidades en materia de igualdade laboral
29 Decembro 2022
Como cada mes, recapitulamos as novidades máis reseñables...
SEGUIR LENDO >
As achegas á igualdade laboral no ano 2022
22 Decembro 2022
O ano 2022 foi un período no que desde a Xunta de Galicia...
SEGUIR LENDO >
A Xunta avoga por unha ciencia en igualdade que cree máis oportunidades e aposte polo talento galego na entrega do premio Wonenburger 2022
20 Decembro 2022
O vicepresidente segundo e conselleiro de Presidencia,...
SEGUIR LENDO >
Lorenzana presenta o espazo de conciliación promovido no porto da Coruña pola Xunta de Galicia para axudar ás familias este Nadal
20 Decembro 2022
As instalacións, situadas no peirao do Parrote, abrirán...
SEGUIR LENDO >

Subscríbete ao noso boletín

E recibe todas as nosas novidades no teu correo electrónico.