• A directora xeral de Relacións Laborais, Elena Mancha, visitou hoxe en Pontevedra as dependencias desta firma, da que puxo en valor as medidas implantadas en materia de igualdade de oportunidades na empresa

  • A Xunta apoia este ano con 1,4 millóns de euros o desenvolvemento de medidas de conciliación e plans de igualdade nas empresas galegas

A directora xeral de Relacións Laborais, Elena Mancha, visitou hoxe as dependencias da empresa editorial Kalandraka, que puxo como exemplo de que a implantación de medidas de igualdade laboral “mellora o posicionamento das mulleres na empresa”. A firma resultou beneficiaria, no marco das axudas coas que a Xunta promoveu en 2021 a conciliación, os plans de igualdade e a responsabilidade social empresarial (RSE) en 122 firmas galegas, e que este ano 2022 contan cun orzamento de 1,4 millóns de euros.

Mancha, acompañada da directora editorial da empresa, Manuela Rodríguez, coñeceu o proxecto editorial que avoga pola calidade estética e literaria, e por inculcar a través da literatura valores como a multiculturalidade, a educación en igualdade, a tolerancia e o respecto. “Esta aposta pola igualdade de oportunidades foi levada ao seo da propia empresa”, subliñou a directora xeral, quen valorizou o acordo de conciliación e flexibilidade horaria acadada co persoal o ano pasado para reducir a xornada laboral.

“A mellora horaria é un elemento fundamental para mellorar o posicionamento das mulleres na empresa e reducir a necesidade de solicitar excedencias ou reducións de xornada; o que permite tanto a mulleres como a homes garantir a conciliación laboral coa familiar e persoal”, remarcou Mancha, quen avogou por este tipo de acordos para avanzar, como está a impulsar o Goberno da Xunta, no benestar laboral en Galicia.

Na mesma liña a directora xeral cualificou de fundamentais o rexistro salarial e o protocolo para a detección de acoso sexual e por razón de sexo, que firmas como esta  están a implantar, como “ instrumentos esenciais de loita contra a discriminación salarial e a violencia no traballo”, afirmou Mancha.

A Xunta destinará en 2022 1,4 millóns de euros a axudas para pemes e persoas traballadoras autónomas que teñan persoal contratado para que promovan a igualdade laboral, favorezan a conciliación e aposten pola Responsabilidade Social Empresarial (RSE). O ano pasado concedéronse 273 axudas no marco deste programa que se artella en tres liñas de apoio: a 1ª para a elaboración e implantación de plans de igualdade; a 2ª centrada na conciliación e a 3ª para a  obtención da validación de códigos de conduta, normas ou estándares en materia de responsabilidade social empresarial.

Categorías

Actualidade axudas Conciliación igualdade laboral

Novas

Toda a actualidade e información de interese no ámbito da igualdade laboral.
Novidades en materia de igualdade laboral
29 Decembro 2022
Como cada mes, recapitulamos as novidades máis reseñables...
SEGUIR LENDO >
As achegas á igualdade laboral no ano 2022
22 Decembro 2022
O ano 2022 foi un período no que desde a Xunta de Galicia...
SEGUIR LENDO >
A Xunta avoga por unha ciencia en igualdade que cree máis oportunidades e aposte polo talento galego na entrega do premio Wonenburger 2022
20 Decembro 2022
O vicepresidente segundo e conselleiro de Presidencia,...
SEGUIR LENDO >
Lorenzana presenta o espazo de conciliación promovido no porto da Coruña pola Xunta de Galicia para axudar ás familias este Nadal
20 Decembro 2022
As instalacións, situadas no peirao do Parrote, abrirán...
SEGUIR LENDO >

Subscríbete ao noso boletín

E recibe todas as nosas novidades no teu correo electrónico.