Formación en liña de 2 horas en materia de Igualdade Laboral orientada a visibilizar o desfase entre os dereitos de conciliación recoñecidos e o seu uso efectivo, e amosar porqué as mulleres seguen abandonando ou reducindo a súa traxectoria laboral para coidar, aportando ás empresas claves para reverter esta tendencia.
2 horas
Presencial ou por streaming
Idioma: galego
Certificado de aproveitamento ao completar o taller
Docente
Paula García Otero, Relatora e formadora en igualdade, corresponsabilidade e maternidade e paternidade no ámbito corporativo. Consultora IBCLC
Aprende ao teu ritmo
O taller formativo levarase a cabo a través dunha sesión presencial que se retransmitirá por streaming e que se celebrará o 17 de setembro de 2026 en horario de tarde (de 16:30 a 18:30 h) na Coruña (COE – Centro de Orientación, Emprendemento, Acompañamento e Innovación para o Emprego de Galicia- Rúa Rafael Alberti, n.º 4 baixo, 15008, A Coruña), permitindo que as persoas participantes intercambien coñecementos e experiencias entre elas.
Que inclúe este taller?
Presentar as cifras que sustentan a persistencia da fenda: renuncias laborais tras a maternidade, interrupcións de carreira e fenda no traballo non remunerado.
Identificar os catro factores invisibles que sosteñen a asimetría de xénero a pesar do marco normativo vixente: carga mental, presión social non escrita, asimetría doméstica e cultura de empresa.
Recoñecer sinais temperáns de fuga de talento feminino na contorna profesional.
Coñecer tres pancas empresariais aplicables para acompañar, reter e recuperar talento feminino.
Xerar espazo de reflexión compartida entre profesionais de RRHH, xerencia, representación legal do cadro de persoal e cidadanía interesada en igualdade efectiva
Cal é a estrutura e o desenvolvemento deste curso formativo?
A duración desta sesión será de 2 horas e adecuaranse á seguinte estrutura:
16:00 – 16:30 h Café de benvida
16:30 – 16:40 h Presentación do taller
Representante da Xunta de Galicia
16:40 – 18:15 h O factor invisible: coidados, conciliación e perda de talento feminino
Paula García Otero. Relatora e formadora en igualdade, corresponsabilidade e maternidade e paternidade no ámbito corporativo. Consultora IBCLC
18:15 – 18:30 h Rolda de consultas
Consulta o programa da xornada: Aquí.
Duración
Entre o 17/09/2026 e o 24/09/2026.
O taller levarase a cabo a través dunha sesión presencial retransmitida por streaming que se celebrará o día 17 de setembro de 2026 de 16:30 a 18:30 h.
Ase mesmo, as persoas participantes terán ata o xoves 24 de setembro de 2026 para responder o test de avaliación posto a súa disposición a través do campus en liña. Para a súa realización se disporá das 24 horas do día, todos os días da semana.
Certificado de aproveitamento
Se quere obter o certificado de aproveitamento do taller, ademais de ter asistido á xornada, presencialmente ou por streaming, deberá responder satisfactoriamente, polo menos o 70 % das cuestións expostas no test de avaliación que estará a súa disposición no Campus en liña.
Inscrición
- Para asistencia presencial: prema Aquí.
- Para streaming: accede coas túas credenciais ao Campus en liña de Igualdade Laboral e inscríbete no taller.
O prazo de inscrición finaliza o 16 de setembro de 2026 ás 23:59 horas.