Cada trimestre recapitulamos as novidades máis reseñables en materia de igualdade laboral a nivel internacional, europeo, nacional e autonómico dos últimos meses. Unha sección na que se pode atopar información sobre normativa, axudas, estudos e informes, materiais de sensibilización etc., así como accións impulsadas por distintas entidades e organismos.
Nivel autonómico
AXUDAS
A Xunta de Galicia publicou as convocatorias das subvenciones destinadas á creación e/ou ao funcionamento de gabinetes técnicos en materia de igualdade laboral e de oportunidades e contra a fenda salarial e do Programa de axudas de 2025 para implantar a igualdade laboral, a conciliación e ea responsabilidad social empresarial (RSE).
A Secretaría Xeral de Emprego e Relacións Laborais da Consellería de Emprego, Comercio e Emigración concede as axudas para a creación e/o o funcionamento de gabinetes técnicos mediante réxime de concorrencia competitiva. As entidades beneficiarias poderán adscribir a estes gabinetes a persoal propio ou externo experto en igualdade laboral con formación ou experiencia acreditada en materia de igualdade de xénero para desenvolver accións directas de apoio a empresas e persoas traballadoras. Pola súa banda, as axudas para implantar a igualdade laboral, a conciliación e a RSE estrutúranse en tres liñas: elaboración e implementación de plans de igualdade, conciliación e certificacións de responsabilidade social empresarial.
A Xunta de Galicia consolida o apoio á contratación de mulleres en sectores masculinizados a través do Programa Galicia Emprega 2025, que inclúe como novidade 1,7 millóns de euros para impulsar a presenza de mulleres nestes sectores. Trátase dunha iniciativa que se estreou o ano pasado, con especial fincapé en sectores tecnolóxicos e industriais de alto valor engadido, como o da información e comunicación ou en actividades profesionais científicas e técnicas. O prazo de solicitude destas achegas, cuxo obxectivo é incentivar a contratación nos colectivos con máis dificultades de inserción laboral, estará aberto ata o 30 de setembro.
Nivel nacional
NORMATIVA
Publicouse no BOE a Lei Orgánica 1/2025, do 2 de xaneiro, de medidas en materia de eficiencia do Servizo Público de Xustiza, que protexe do despedimento ás persoas traballadoras que solicitan permiso para a conciliación familiar. A disposición final vigesimosexta desta normativa modifica o Estatuto dos Traballadores para recuperar o texto emendado pola Lei Orgánica 2/2024, do 1 de agosto, de representación paritaria e presenza equilibrada de mulleres e homes, que, por un erro técnico, eliminaba a consideración de nulo nos despedimentos daquelas persoas traballadoras que solicitasen o permiso de cinco días para o coidado de familiares enfermos, así como de quen desexase adaptar a súa xornada laboral por razóns de conciliación. Coa entrada en vigor desta nova norma, modifícase a letra b) do apartado 4 do artigo 53 e a letra b) do apartado 5 do artigo 55 do Estatuto dos Traballadores. Estas modificacións inclúen novamente na listaxe de supostos de despido nulo, o despedimento das persoas traballadoras que solicitasen o permiso recollido no artigo 37.3.b) ou que solicitasen ou estean a gozar das adaptacións de xornada establecidas no artigo 34.8 do E.T.
ESTUDO ANÁLISE EN PERSPECTIVA DE XÉNERO DA TEMPORALIDADE E DA PARCIALIDADE EN ESPAÑA
A Unión Sindical Obreira (USO) publicou o informe Análise en perspectiva de xénero da temporalidade e a parcialidade en España elaborado por Syndex, que analiza os patróns de parcialidade e temporalidade en España desde a perspectiva de xénero. De acordo cos datos de Eurostat, máis do 50% das persoas traballadoras de ambos os sexos sinala que a principal razón pola que optan polo traballo parcial é a falta de oferta de emprego a xornada completa. Con todo, un 18% das mulleres indica que a súa elección débese á necesidade de coidar a menores ou a persoas adultas con discapacidade, un motivo que só afecta ao 4% dos homes. Ademais, obsérvase unha correlación positiva entre a taxa de emprego a tempo parcial e o nivel de feminización dos sectores. Do mesmo xeito, establécese unha conexión entre o patrón de temporalidade nas mulleres e a fenda salarial, xa que as mulleres que traballan a tempo parcial tenden a agruparse nos sectores con salarios máis baixos en comparación coas súas contrapartes masculinas.
Para eliminar estas desigualdades, o informe resalta a necesidade de poñer en marcha políticas que fomenten a corresponsabilidade e xeren empregos estables. Isto require un enfoque integral que combine lexislación, políticas de apoio e unha transformación cultural na maneira de organizar o traballo e as responsabilidades familiares.
Nivel internacional
ÍNDICE DA IGUALDADE DE XÉNERO 2024
O Instituto Europeo para a Igualdade de Xénero (EIGE) publicou o Índice de Igualdade de Xénero 2024, que revela diferenzas notables entre os Estados Membros. Suecia encabeza o Índice coa puntuación máis alta (82 sobre 100), mentres que Romanía péchao cun 57,5. Malta, República Checa e Lituania lograron os maiores avances desta edición. Con todo, varios países están a quedarse atrás no compromiso coa igualdade de xénero.
Cunha media de 76,7 puntos, España ocupa o cuarto lugar na UE no Índice, 5,7 puntos por encima da media da UE. O noso país experimentou un aumento significativo na súa puntuación xeral desde 2010 e mantense estable desde 2021. Con todo, cabe destacar que o ámbito no que ten unha maior marxe de mellora é o do traballo, no que obtivo unha puntuación de 75,6 puntos, o que o sitúa na 18ª posición na UE. Isto supón unha caída dunha posición desde o ano 2021. O subámbito con maior potencial de crecemento é o da participación, no que ocupa o 22º lugar. En termos de segregación e calidade do traballo, España obtén 68,8 puntos e ocupa o 9º lugar na UE neste subámbito.
